Jú, sjáið nú til, hér er nefnilega ekki lýðræði

Já, mikið rétt. Á Íslandi er ekki lýðræði, heldur ráðherraveldi. Því skiptir engu hversu spilltir menn eru, ósvífnir eða brotlegir gegn lögum. Það er ekki hægt að lögsækja þá því þeir ráða. Ekki við, almenningur. Á meðan þessir spilltu menn standa við stjórnvölin og þurfa ekki að svara fyrir eitt eða neitt, þá munum við engum bata ná. Þess vegna á að taka þetta flokkakerfi og henda því. Fólk á að ráða hvaða menn, (ekki hópur af mönnum) stjórna landinu. Og ef menn standa sig ekki í vinnu, þá á að taka á því, eins og hjá hverju öðru fyrirtæki. Að reka land, er jú nákvæmlega eins og að reka stórt fyrirtæki

Hvorki megum né eigum að leggja til ákæru á ráðherra

Athugasemdir

[corvus corax, 19.11.2009 kl. 09:07]

Maður mátti svo sem vita það fyrirfram að auðvitað eru ráðherrar heilagir og undanþegnir grunsemdum og sekt, og þingmenn, og embættismenn, og bankamenn, og útrásarhyskið, og kennitöluflakkaraliðið, og allir aðrir sem áttu á einhvern hátt þátt í hruninu mikla. Og hverjir eru þá eftir sem hægt er að kenna um allt og láta sæta ábyrgð? Jú, niðurstaðan verður einfaldlega sú að því mun klínt á allan almenning og almenna skattgreiðendur, lægst launaða fólkið, öryrkja, aldraða og atvinnulausa, og ekki má gleyma íbúða- og bílalánaskuldurum. Átti einhver von á öðru af nefnd þar sem tveir af þremur þurfa að gæta hagsmuna flokkssystkina sinna, ættingja og vina og gengu meira segja svo langt í hagsmunagæslunni að þeir lögðu allt undir til að losna við þriðja nefndarmanninn úr nefndinni. Þennan eina kvenmann í nefndinni sem virðist eini vammlausi nefndarmaðurinn. Það er allt svo sniðugt á Íslandi!