Uhm.....Vodafone?

Ekki gleyma að Vodafone er með útsendingar í gegnum adsl. Virkar fínt hjá mér.......

Þarf fólk að setja loftnetsgreiður aftur á þökin?

Athugasemdir

[Sveinn Ríkarður Jóelsson, 17.9.2010 kl. 09:30]

Það er hægt að senda út stafrænt í lofti líka.

[Pax pacis, 17.9.2010 kl. 09:46]

Uhm.....hvernig leysir það vandamál þessa fólks? Síminn er líka með ADSL sem virkar fínt en málið snýst ekki um það.

Málið snýst um það að þetta fólk hefur haft aðgang að Breiðbandi Símans (kapalsjónvarp sem er flutt með ljósleiðara nálægt húsi viðkomandi og svo með loftnetskapli þaðan í hús) þar sem hægt hefur verið að sjá RÚV í betri gæðum heldur en með loftneti og án þess að borga neitt fyrir það. Sumir hafa hins vegar keypt áskriftir og þannig hefur verið hægt að halda þessari ókeypis þjónustu uppi.

Þegar OR svo fór af stað með sína ljósleiðaraþjónustu varð Síminn að bregðast við og kom upp Ljósneti Símans (ljósleiðari að húsi, eins og áður og svo VDSL yfir símalínu sem gefur í dag svipaðan hraða og ljósleiðari OR en með annars konar tækni að hluta til. Til þess að þetta gæti orðið að veruleika þurfti að fjarlægja búnað sem tengdist Breiðbandinu og þeir sem voru að þiggja ókeypis þjónustu misstu hana. Svo einfalt er það.

Mér finnst þetta mál svolítið uppblásið. Hvenær á maður kröfu á ókeypis þjónustu? Ef hætt yrði að dreifa Fréttablaðinu ókeypis yrðu margir dyggir lesendur fúlir (sem var jú gert úti á landi) en það er nú bara þannig að maður getur ekki ætlast til að fá hluti ókeypis að eilífu.

Maður verður bara að þakka fyrir það sem maður fær ókeypis á meðan það gefst en gera ráð fyrir að annað hvort missa það eða þurfa að borga fyrir það.

[Gunnar (IP-tala skráð) 17.9.2010 kl. 09:49]

Pax: Það er ekki hægt að líkja þessari þjónustu við Fréttablaðið þar sem að Síminn fékk breiðbands dreifikerfið á silfurfati þegar Landssíminn var seldur og því um eigu þjóðarinnar að ræða að vissu leiti.

[Elías Bj (IP-tala skráð) 17.9.2010 kl. 09:59]

Horfa á RÚV frítt? Síðan hvenær?  Ég veit ekki betur en að hver einasti íslendingur eldri en 16 ára og fyrirtæki þurfi að borga dýrum dómi fyrir rekstur RÚV og á sumum heimilum hleypur þetta á tugum þúsunda. Mig minnir að hjá mér séu þetta hátt í 80 þús á ári, 3 einstaklingar og fyrirtæki!

[Spekingur (IP-tala skráð) 17.9.2010 kl. 09:59]

Síminn eignaðist Breiðbandskerfið kannski til að byrja með en það var svo fært frá Símanum yfir til Mílu þegar það fyrirtæki var stofnað. Það var gert skv þeim lögum sem voru gerð í framhaldi af sölu Símans. Allt grunnnetið er nú í eigu Mílu, ekki Símans.

Svo minnir mig að ég hafi lesið einhvers staðar að RÚV hafi verið að huga að færa allar sínar útsendingar í burtu af loftnetinu. Kannski að það hafi verið að færa útsendingar yfir í stafrænt form. Það myndi samt þýða að þú þyrftir sérstakan endabúnað til að taka við útsendingum.

[Pax pacis, 17.9.2010 kl. 10:04]

Gunnar: Það er rétt að umdeilt er hvort grunnnet Landssímans hafi átt að fylgja með í sölu fyrirtækisins. Hvort Síminn hafi fengið það á silfurfati hef ég ekki forsendur til að meta. Það er hins vegar ekki hátt hlutfall þjóðarinnar sem nýtir sér þjónustu Breiðbandsins og enn færri sem notfæra sér ókeypis dreifingu RÚV yfir Breiðbandið. Ég sé ekki að það þjóni hagsmunum þjóðarinnar að halda uppi þessu ókeypis kerfi í þágu fárra á kostnað hinna sem vilja framþróun í nettækninni.

[Guðmundur (IP-tala skráð) 17.9.2010 kl. 10:07]

Mín skoðun er sú að RÚV eigi að sjá til þess að allir geti séð og heyrt sjónvarp og útvarp án þess að kaupa sérstaka þjónustu til þess. Það er jú verið að skylda almenning til að halda þessari stofnun upp og þá tel ég að sá kostnaður sem fellur til við að taka á móti merkinu eigi að greiðast af RÚV.

[Jón Snæbjörnsson, 17.9.2010 kl. 10:09]

sammála No 7

[Pax pacis, 17.9.2010 kl. 10:10]

Elías: Jú, auðvitað þarftu að borga útvarpsgjöld til RÚV sem er varið í að búa til sjónvarpsefnið (og greiða fyrir jeppa stjórnenda) en dreifing Símans á merkinu til Breiðbandstengdra húsa hefur hingað til verið ókeypis. Enginn hluti útvarpsgjaldanna rennur til Símans til að halda úti þessari dreifingu.

[doctore (IP-tala skráð) 17.9.2010 kl. 10:22]

Í dag er síminn að loka breiðbandi.. og í leiðinni að þvinga fólk yfir á adsl hjá sér.. eða EKKERT sjónvarp

[Pax pacis, 17.9.2010 kl. 10:22]

Guðmundur: Ég er sammála því að á meðan ríkið innheimtir skylduáskrift að RÚV þá eigi allir að geta nálgast útsendinguna án þess að þurfa að greiða sérstaklega fyrir það. Þess vegna sendir RÚV út sitt efni um allt land á VHF tíðni sem öll sjónvörp geta tekið á móti með loftnetsgreiðu. Það geta þeir líka gert sem hafa nálgast RÚV í gegnum Breiðbandskapal Símans. Eina ástæðan fyrir því að menn hafa tekið RÚV í gegnum Breiðbandið er sú að þar eru gæðin mun betri og enginn snjór eða draugur (hugtök sem margir af yngri kynslóðinni sjálfsagt skilja ekki). Af þessari ástæðu hafa sumir ekki sett upp loftnet á húsið sitt og sumir jafnvel tekið það niður enda meiri prýði af loftnetslausum húsum. Nú er bara fyrir fyrrverandi þiggjendur þessarar þjónustu að annað hvort vippa sér í vinnugallann og setja upp loftnet eða kaupa sér aðgang að einhverjum þeirra dreifileiða RÚV sem bjóða upp á betra merki.

[Pax pacis, 17.9.2010 kl. 10:26]

@doctore: Það eru nú einhver ár í að stafræna Breiðbandinu verði lokað. Það er bara verið að loka hliðræna (analog) hluta Breiðbandsins og eins og ég sagði áðan, þá eru fleiri leiðir til að taka á móti sjónvarpsmerki RÚV. Ein þessara leiða er ókeypis og heitir loftnet.

[doctore (IP-tala skráð) 17.9.2010 kl. 10:47]

Síminn er að loka á breiðband all over the place... ef fólk vill fá sjónvarp er því sagt að það verði að koma í internetþjónustu símans... að það verði að HÆTTA hjá núverandi internetveitu... eða ekkert sjónvarp.

Face it

[Jens (IP-tala skráð) 17.9.2010 kl. 11:03]

Mér finnst alveg vanta í þessa umræðu að RÚV og fleiri hafa árum saman sent út stafrænt sjónvarpsmerki á höfuðborgarsvæðinu með tilraunasendi sem næst á 80% höfuðborgarsvæðisins.

Útsendingin er á VHF og næst á öllum sjónvarpstækjum sem eru tengd við VHF greiðu (sem er beint að Vatnsenda eða Gamla Garði við Háskólan) og hafa stafrænan móttakara (DVB-T móttakara).

Með þessari aðferð er hægt að horfa á RÚV og fleiri sjónvarpsstöðvar í stafrænum gæðum án þess að skipta við Síman eða Vodafone.

[Dilbert (IP-tala skráð) 17.9.2010 kl. 11:13]

Þetta er allt gott og blessað. En það sem pirrar mest við þetta allt er að það þarf eftir þessar breytingar að hafa afruglara við hvert viðtæki. Ef ekki á að horfa á það sama í öllum tækjum þar sem ekki er lengur neinu dreift hliðrænt inn á heimili sem treystu á breiðband til þess áður. Og af hverjum afruglara/móttakara þarf að greiða mánaðarlega um 600 krónur. Þar byrjar pirringurinn á mínu heimili allavega. Alveg til í að borga 600 (einn) kallinn fyrir plús stöðvarnar og betri gæði. En 600 á hvert tæki, það er bara ekki ásættanlegt...

[Dilbert (IP-tala skráð) 17.9.2010 kl. 11:15]

Sæll, Jens

Hvaða rásir eru þarna í boði. Eru seinkuðu rásirnar þarna.

[Pax pacis, 17.9.2010 kl. 11:37]

@doctore: Þú hefur væntanlega ekki verið að hlusta á mig áðan. Það er hægt að ná RÚV, Stöð 2, Skjá Einum, Omega, o.fl. í gegnum loftnet, þar af leiðandi er það ekki rétt að það sé ekki hægt að fá sjónvarp nema að fara í internetþjónustu Símans. Ef þú ert að meina að það sé ekki hægt að fá aðgang að áskriftarstöðvum Símans lengur þegar slökkt hefur verið á Breiðbandinu nema að fara í internetþjónustu Símans, þá er það heldur ekki rétt. Rétt er að til að fá aðgang að ásriftarstöðvum Símans þarf að fara í ADSL þjónustu símans en ekki þarf að hætta hjá núverandi internetveitu. ADSL og internet eru alveg aðskildir hlutir. Það er hægt að kaupa ADSL og internet hjá sitt hvorum aðilanum en ekki er hægt að fá sjónvarp Símans nema í gegnum ADSL Símans.

[Rúnar Sigurður Sigurjónsson, 17.9.2010 kl. 11:53]

365(nú vodafone) hafa sent í stafrænu í rúm 10 ár ef ekki meira. Þau gæði eru jafn skýr og góð og breiðbandið eða IPTV sem síminn, vodafone og tal senda í gegnum xDSL og ljósleiðaraþjónustur sínar.

Þar er aftur á móti engin gagnvirkni í gangi.

Með loftneti hvort sem það er stafrænt eða hliðrænt eru fá takmörk yfir fjölda tæka sem þú notar. Þegar þetta er tekið í gegnum streng þá byrja takmarkanir sem ákvarðast af bandbreidd þjónustunar. Svo er líka það þú þarft helst afruglara við hvert tæki sem þú vilt nota með tilheyrandi leigukostnaði. Þú getur líka notað einn afruglara við öll tæki enn þá þarftu að fá Modulator til að taka TV-merkið og dreifa því áfram, getur fengið slíkt tæki á um 10þús krónur. Þá ertu samt enn háður því að geta bara horft á eina rás í einu.

Að mínu mati liggja meiri kostir fyrir notendur að nota Stafrænar sendingar hjá Digital Ísland(Vodafone/365). Þar er frelsið meira, kosturinn við hin kerfin er gagnvirkninn, sem er auðvitað líka heilmíkið frelsi, enn það er líka það eina, því um leið og afruglarinn fer í gang hefur það áhrif á netsambandið hjá því það notar sama kopar/leiðara og fyrir mér er það slæmt þó það sé nú ekki þannig hjá flestum. Veit um mörg tilfelli þar sem línan er slöpp fyrir að þú verður nánast netlaus þegar kveikt er á sjónvarpinu.

Vert að benda að Símafyrirtækin hafa verið að koma þessu í gangið leynt og ljóst í fjölda ára og hef ég ávallt talað gegn því fyrir tómum eyrum, það er ekki fyrr enn nú að fólk er að kveikja á perunni loksins þegar aðgerðirnar verða svona dramatískar. Öll fyrirtæki hagnast auðvitað á svona virðisaukandi þjónustu sem þessum og það þýðir lítið að væla yfir því, því það heldur lífinu í þessum fyrirtækum, það er okkar að afþakka þetta eða taka þátt í þessum leik þeirra.

Svo má líka nefna að DigitalIsland útsendingarnar eru bara með starfsleyfi til 2015 eins og staðan er í dag og seinast þegar ég vissi stóð ekki til að framlengja það leyfi og skillst mér að það sé Póst- og fjarskiptastofnum sem vill ekki framlengja leyfið.

[Banani (IP-tala skráð) 17.9.2010 kl. 12:00]

Stafrænar útsendingar 365 hófust í lok árs 2004.

[doctore (IP-tala skráð) 17.9.2010 kl. 13:13]

Pax, ég þekki til nokkurra mála þar sem síminn notar sjónvarpið til að þvinga fólk í adsl hjá sér... Þeir klippa á breiðbandið.. segja svo viðkomandi að þeir verði að koma í ADSL hjá sér.
Það verður að aðskilja ADSL/Sjónavarps áskrift símans.. .

[Pax pacis, 17.9.2010 kl. 13:50]

@doctore: Það er rétt hjá þér. Ef þú vilt fá Sjónvarp Símans, þá verður þú að fá ADSL hjá Símanum (eða Ljósnet) en fólk getur líka farið til Vodafone eða Digital Ísland ef það vill fá sjónvarpsáskrift. Það er enginn sem þvingar fólk til að kaupa Sjónvarp Símans þó það missi Breiðbandið. Ég efast svosem ekki um að Síminn hafi boðið þessu fólki að skipta yfir í ADSL sjónvarp hjá sér en fólk hefur val, þ.a. það er mjög villandi að segja að Síminn sé að þvinga fólk yfir í ADSL hjá sér. Réttara væri að segja að þegar Síminn lokar breiðbandinu séu þeir að þvinga fólk eitthvert annað, ekkert endilega í ADSL Símans.

[Ívar Kristleifsson (IP-tala skráð) 17.9.2010 kl. 17:38]

Fyrir utan að vera sammála fáránleikanum í því að þurfa borga fyrir að fá eitthvað sem ég er búinn að borga fyrir, verð nú að bæta því í umræðuna að mér þykir myndgæði á ADSL sjónvarpi Símans með eindæmum léleg.  Bæði virðast þeir engan veginn kunna á post processing hjá sér.  Þeir ofskerpa og hafa allt of mikið af de-noiseing svo öll andlit líta út eins og postulínsdúkkur.  Síðan hljóta þeir að vera með eitthvað slappa encoder þjóna því ef mikil hreyfing er á myndini, t.d. í íþróttum eða spennumyndum, verðu myndin öll pixelated og þú sért bara risastóra kassa af sama litnum þar sem bitahraðinn hjá þeim viriðst vera í eitthvað lægri kanntinum.  YouTube myndbönd eru orðin betri.  Þar geturu meira að segja fengið efni í HD!!!

[Sverrir (IP-tala skráð) 17.9.2010 kl. 19:49]

Sú staðhæfing að Síminn sem fyrirtæki sé að þvinga fólk sem var með breiðbandsþjónustuna, er einfalldlega röng!

Samgönguráðuneytið  lagði fram frumvarp um að ÖLL SJÓNVÖRP Á ÍSLANDI VERÐI ORÐIN GAGNVIRK FYRIR 1. JAN 2012 og síminn er einfaldlega að vinna samkvæmt því, ásamt því að sinna breytingum á markaði vegna ljósleiðara Vodafone.

Ekki tala um þetta eins og Síminn sé alvaldur sem sé að taka sjónvarpið af gamla fólkinu nema það kaupi rándýrar og ósanngjarnar áskriftir frá símanum. Málið er alls ekki þannig!

Mér finnst umfjöllum um málið bæði ósanngjörn og illa framsett.

[Dexter Morgan, 17.9.2010 kl. 21:39]

Þetta er nú ósköp einfallt í mínum huga. Ef RÚV ætlar að rukka sinn "nefskatt" fyrir afnot af sjónvarpi, þá verða þeir að koma með það til mín. Þeir geta ekki selt þjónustu sem íbúar eiga enga möguleika að komast í, nema í gegn um eitthvern 3ja aðila. Það er ólöglegt.

Svo kannski hyllir undir það að maður þurfi ekki að greiða RÚV afnotagjöld lengur. Það væri nú tími til kominn.

[ElArne (IP-tala skráð) 17.9.2010 kl. 23:41]

Dexter, RÚV er ekki að breita neinu í sinni þjónustu að sinni. Eftir því sem ég kemst næst þá munu þeir hér eftir bjóða upp á útsendingar sem fólk getur náð alveg óháð 3ja aðila. Ef það eru fleiri en þú, stór meirihluti landsmanna sem er sammála um að það eigi að heyra undir RÚV að passa upp á að í lagi sé með loftnet á heimilum landsmanna, geri ég ráð fyrir að þeir geti það. Eina sem þyrfti til þess að svo megi verða er að 2-3 falda þennan nefskatt sem þér þykir svona gaman að greiða.

Annað sem mér heyrist vera almennur misskilningur með er að fólk geti ekki verið með myndlykil frá Símanum öðruvísi en að vera með ADSL hjá þeim, ég er nokkuð viss um að fólk geti verið með hann á ADSL hjá öðrum símafyrirtækjum. Það er í það minnsta raunin úti á landi þar sem Síminn er byrjaður að bjóða upp á IPTV en Vodafone ekki.

[vitleysingar (IP-tala skráð) 17.9.2010 kl. 23:59]

Þið sem eruð að tjá ykkur um þetta mál vitið greinilega flest EKKERT hvað þið eruð að tala um!

Deilan snýst um það að þegar breiðbandið er lagt niður neyðist fólk til þess að kaupa sér VDSL tengingu (ljósnetið). VDSL er hraðari nettenging en ADSL og ódýrari í þokkabót. Svo þetta er aðeins að snerta þá sem ekki eru með adsl tegingu fyrir (ætli það sé 1% höfuðborgarbúa??) allir aðrir (99%) eru að fá ódýrari tengingu en þeir voru með fyrir. Á að halda í úrelta tækni til þess að halda þessum 1% ánægðum eða betrum bæta þjónustuna hjá hinum 99% og um leið lækka kostnað þeirra?

Ég bara spyr???

[sveitavargur (IP-tala skráð) 18.9.2010 kl. 00:01]

Gerið þið ykkur grein fyrir því að þið eruð að væla yfir því að þurfa að hætta að nota eina leið til að njóta fullkominna skilyrða fyrir RUV og byrja að nota aðra? Hér á mínu heimili næst RUV mjöööög illa á loftnetsgreiðu og ADSL verður ekki í boði næstu árin. Þegar kvartað er við RUV yfir skilyrðunum á sendingum sem við þurfum að borga fyrir jafnmikið og aðrir er svarið "fáðu þér bara gervihnattadisk!"